Оваа епизода како и сите следни ќе ти користи ако си подолго во бизнис, а ова не си го направил/а на почетокот и дојде до ситуација да креираш бизнис кој веќе не е по твоја мерка и можеби си го замрзел.
Имам доста примери од луѓе со кои работиме, кои направиле такво нешто и креирале финансиски успех, но се изгубиле себе си.
Ја изгубиле и смислата за постоењето на нивниот бизнис, кој би требало да им служи и им го подобри квалитетот на живот, а во меѓу време се претвориле во роб на бизнисот кој самите го креирале.
Вакви приказни слушам постојано. Додека трепнале, поминале 15 години и бизнисот ги вовлекол во постојан притисок и решавање на проблеми.
Ова е единствениот начин да бидеш сигурен дека градиш бизнис по твоја мерка. Во спротивно, секоја идеја ти изгледа интересна. Секој предлог за соработка ти изгледа како неверојатна можност. Секој клиент ќе ти објаснува како би требало да биде подобро. Секој добронамерник ќе те советува како сака да изгледа соработката. И понатаму ќе гледаш што другите прават и ќе мислиш дека и ти треба тоа да го правиш и ако не го правиш ќе имаш чувство дека стагнираш, назадуваш, пропаѓаш. Ќе го следиш секој нов тренд и ќе бидеш мета на социјалните мрежи за некаков си успех.
Тогаш прашањето е: Дали е тоа што ти го сакаш?
Кога ти незнаеш што сакаш, секогаш ќе се најдат други што ќе ти кажат.
|
Креирав и еден прашалник кој јас го користев во 2020 година, кога дојдов до точка да не можам да се поднесам самиот и начинот на кој го водев бизнисот.
Размисли до следната епизода како можеш да ги донесеш овие одлуки, и дали имаш јасност околу твојот бизнис модел.
- Што продаваш и кому
- Дали работиш на маркетинг за предвидливо генерирање на клиенти какви што ти сакаш
- Дали имаш јасност околу понудата, услови за соработка, онбординг на клиенти, испорака…
Сите овие работи се важни за кои што ќе зборуваме во следните епизоди.
Доколку сакаш да го примениш сето ова заедно со мене и луѓето кои се на ист пат, те повикувам да се придружиш на менторскиот програм Бизнис Архитект на овој линк.
За твојот успех,
Александар
Responses