Дали некогаш си прифатил клиент со кој соработката ти одзела повеќе време, енергија и нерви отколку што си планирал?
Проблемот можеби не е во клиентите, туку во тоа што немаш јасно дефинирано кого сакаш да привлечеш. Кога не знаеш кој е твојот идеален клиент, лесно почнуваш да прифаќаш секого, да ги менуваш условите и да се приспособуваш на туѓите очекувања.
Затоа, успешниот маркетинг не е само прашање на тоа како да привлечеш повеќе клиенти, туку како да ги привлечеш вистинските.
За да го постигнеш тоа, треба да го познаваш идеалниот клиент, да ги разбираш неговите потреби и проблеми и преку содржините што ги објавуваш да му покажеш дека твојата понуда е вистинското решение за него.
|
Во оваа епизода ќе научиш зошто маркетингот е еден од клучните столбови на стабилен бизнис, како да привлечеш повеќе клиенти и зошто не е доволно само да имаш добар производ или услуга.
Ќе дознаеш како да размислуваш за маркетингот стратешки и како да создадеш систем што континуирано ќе ти носи нови потенцијални клиенти.
Доколку сакаш да го примениш сето ова заедно со мене и луѓето кои се на ист пат, те поканувам да се придружиш на менторската програма Бизнис Архитект. ( линк.)
За твојот успех,
Александар
Responses